నిన్నసాయంత్రమే కోమాలోకి వెళ్ళినవ్యక్తి ఈ రోజు ఉదయమే ఎలా …?వండర్ ఫుల్ రైటర్ తేజారాణి తిరునగరి సస్పెన్స్ థ్రిల్లర్ నార్త్ అవెన్యూ (25-12-2016)

పోలీస్ వెహికల్ హాస్పిటల్ ముందాగింది.అందులో నుంచి ఇన్స్పెక్టర్ జేమ్స్,స్వాప్నిక దిగారు.ఇన్స్పెక్టర్ తనను ఇక్కడికి ఎందుకు తీసుకువచ్చాడో అర్థం కావడం లేదు స్వాప్నికకు.ఇన్స్పెక్టర్ జేమ్స్ ఆమెను సరాసరి ఐసియు కు తీసుకువెళ్లాడు.ఐసీయూలోకి అడుగుపెట్టిన స్వాప్నిక షాక్ తింది.బెడ్ మీద కోమాలో తను వెతుకుతున్నవ్యక్తి…వంశీకృష్ణ

“చూడండి మేడం…చాలా జాగ్రత్తగా చూడండి.ఇవ్వాళ ఉదయం మీఇంటికి వచ్చి బెదిరించిన వ్యక్తి ఇతనే కదా?నార్త్ అవెన్యూ దగ్గర ఓ గుర్తు తెలియని వాహనం ఢీకొట్టింది..ఇతను తీవ్రమైనగాయాలతో  కోమాలోకి వెళ్ళిపోయాడు.నిన్నసాయంత్రమే కోమాలోకి వెళ్ళినవ్యక్తి ఈ రోజు ఉదయమే ఎలా మీ ఇంటికి వచ్చి మిమల్ని బెదిరిస్తాడు ?స్వాప్నిక వంక సూటిగా చూస్తూ అడిగాడు.

“లేదు ఇతన్ని  ఈ రోజు ఉదయమే నన్ను బెదిరించాడు”స్వాప్నిక కవర్ చేసుకోవడానికి విశ్వప్రయత్నం చేస్తోంది.ఒక తప్పును కప్పి పుచ్చుకోవడానికి మరోతప్పు చేయవలిసి వస్తుంది.

“వెళ్ళండి మేడం మీరు అమ్మాయి కాబట్టి,అందులోనూ డాక్టర్ వృత్తిలో వున్నారు కాబట్టి మీమీద ఆక్షన్ తీసుకోవడం లేదు..”చెప్పాడు ఇన్స్పెక్టరు జేమ్స్.

పరిస్థితి అంచనా వేసుకుంది.ఈ పరిస్థితిలో తనేం చేసినా కష్టమే.అందుకే కామ్ గా బయటకు నడిచింది.

సరిగ్గా గంట తర్వాత తనకు తెలిసిన డాక్టర్ ఫ్రెండ్ ద్వారా ఎంక్వయిరీ చేసింది.అతడిని నిన్న సాయంత్రమే అడ్మిట్ చేసినట్టు రికార్డ్స్ లో వుంది.అయితే అతను కూడా నార్త్ అవెన్యూ కి వెళ్ళాడు.ఎలాగైనా ఈ రోజు అతడిని ఫినిష్ చేయాలి.తన అన్నయ్య చావుకు కారణం అయిన వ్యక్తిని చంపేయాలి.అప్పటికే స్వాప్నిక ఓ నిర్ణయానికి వచ్చింది.

                                                      ***

స్వాప్నిక హాస్పిటల్ నుంచి వెళ్లిపోయిందని నిర్ధారణ కాగానే జేమ్స్ అనిరుద్ర దగ్గరికి వచ్చాడు.

“ఇపుడు నన్నేం చేయమంటారు సర్ ?అడిగాడు 

“మీరు స్వాప్నికను ఫాలో అవ్వండి.ఆమె ప్రాణాలకు ముప్పు పొంచి వుంది.తన ప్రాణాలు ప్రమాదంలో ఉన్నాయని తెలియక నా ప్రాణాలు తీయాలని వెంట పడుతోంది…”చెప్పాడు అనిరుద్ర.

“ష్యూర్ …మీరు చెప్పినట్టే చేస్తాను…’ అక్కడి నుంచి వెళ్ళిపోయాడు జేమ్స్

ఐసియులో అనిరుద్ర ఎర్విక్ ఇద్దరే వున్నారు.పరిసర ప్రాంతంలో మఫ్టీలో పోలీసులు వున్న విషయం ఎవ్వరికీ తెలియదు..ఒకేఒక వ్యక్తికీ తప్ప..ఆ ఒక్కరు ఎవరు?

బ్రేక్ వేసి టూ వీలర్ ని ఆపే ప్రయత్నం చేయబోతూ… వెహికల్కు ముందు వున్న అద్దంలో చూసింది.మృత్యువుకు క్షణాల దూరంలో వున్న లారీ.